جلنار/ عادل شمالي

جلنار/ عادل شمالي
………..
كل ما بشاهدك يا جلنار بعيوني
بشوف الحلا بأهداب سحروني
بحلق في سما الإبداع أكتب
وطرز حروفي بعيون سرقوني
ولولا عليكي شي يوم سألوني
ودفعو دهب و المال يغروني
برفض عنك اكشف الاسرار
ولو بسهام غيرتهم رموني
بتبقي أنتي يا جلنار بعيوني
وخلجاتك من الأشرار يحموني
بدوب متل الشمع بحبك نار
وبشعل مخمور علقان بجنوني
ما أحلا رموشك وضلوع خبوني
صبح ومسا ما فيهن يوم ينسوني
لانى العمر غفله يا احلا جلنار
و غير نظراتك… ما بيحيوني
حسدوني الناس وقالو مجنون
وقبلت انا المجنون وانتي فنوني
راح ضل على وفاكي موعود
تضلي يا جلنار بالقلب مسكوني
……
٢٠٢٠/٤/٨